Kanali 7...

13 vjet burg kreut të Agimit të Artë, vrasësi i këngëtarit Pavlos Fyssas përjetësisht në qeli

Një javë pasi shpalli Agimin e Artë organizatë kriminale, Gjykata e Apelit e Athinës ka dënur me nga 13 vite burg drejtuesit e grupit neo-nazist.

Nikos Michaloliakos, udhëheqësi i Agimit të Artë, u dënua për krijimin dhe drejtimin e organizatës kriminale nën pretekstin e një partie politike, së bashku me anëtarët e tjerë të lartë, të cilët u dënuan me dënime më të ulëta nga pesë deri në shtatë vjet për anëtarësim në këtë organizatë.

Giorgos Roupakias, i cili vrau muzikantin Pavlos Fyssas në vitin 2013, u shpall fajtor për të gjitha akuzat në lidhje me vrasjen e tij, dhe u dënua me burgim të përjetshëm dhe me 10 vjet shtesë për anëtarësimin në parti.

Gjyqi i gjatë kundër partisë neo-naziste përfundoi sot me shpalljen e dënimeve, pas me shumen se 450 seancash që nga viti 2015.