Medvedev: Lufta e Tretë Botërore nëse NATO pushton Krimenë
“Çdo përpjekje për të pushtuar Krimenë do të përbënte një shpallje lufte kundër Rusisë”. Deklarata e forte u be …
Fushata presidenciale në Shtetet e Bashkuara është bërë më e nxehtë teksa koha e mbetur deri në datën e zgjedhjeve ngushtohet. Presidenti Donald Trump dhe rivali Joe Biden kanë ashpërsuar tonet dhe akuzat ndaj njëri-tjetrit. Trump akuzoi edhe medias për mbulim joreal të situatës dhe keqpërdorim të pandemisë.
Vetëm pak ditë para zgjedhjeve të 3 nëntorit, presidenti republikan Donald Trump dhe rival i tij demokrat Joe Biden, janë duke bërë përpjekjet e fundit për të ndikuar qytetarët amerikanë drejt votimit presidencial.
Trump zhvilloi tubime në shtete të vogla në verilindje të vendit si Nju Hempshër dhe Mein, numri i vogël i votave elektorale të të cilave mund të jetë vendimtar në rast të një rezultati të ngushtë. Dy kandidatët për president po kërkojnë të sigurojnë një shumicë prej 270 votash nga Kolegji Zgjedhor prej 538 anëtarësh.
Kurse Joe Biden, të dielën në mbrëmje, mbajti një fjalim virtual në një koncert të titulluar “Unë do të votoj”. Në një kohë kur presidenti Trump vazhdon të organizojë tubime të mëdha me mbështetësit e tij, shpesh në aeroporte, demokrati Biden ka ndjekur një qasje tjetër për fushatën përballë epidemisë së koronavirusit. Ai është shfaqur në tubime të vogla, sikurse këtë të dielë, ose përmes transmetimit të drejtpërdrejtë nëpërmjet internetit.
Por, për Presidentin Donald Trump, vendi ka bërë përparim të madh në luftën ndaj covid-19. Përmes postimeve në rrjetin social Tëitter, kreu i Shtëpisë së Bardhë akuzon mediet se nuk po paraqesin situatën reale.
