Basha: Inceneratori i Fierit, një skemë mafioze e zhvatjes së parave të taksave

Lulzim Basha denoncon se konçesionari i inceneratorit të Fierit u përzgjodh pa vlerësuar ofertën financiare.

Në një konferencë për mediat, lideri demokrat tha se inceneratori i Fierit është një skema mafioze e zhvatjes së parave të taksave. Ndërkohë, shtoi se konçesioni nuk ka një vlerë tavan dhe se fituesi mund të kërkojë sa të dojë nga shteti.

Po ashtu, kryedemokrati ka publikuar edhe konçesionarin e inceneratorit të Fierit, për të cilin tha se u përzgjodh pa vlerësuar ofertën financiare.

“Fakt tronditës, konçesionari i inceneratorit të Fierit u përzgjodh pa vlerësuar ofertën financiare. Mungesa e ofertës financiare si kriter vlerësimi, inceneratori i Fierit një skema mafioze e zhvatjes së parave të taksave. Inceneratori i Fierit, Klodian Zoto mund të kërkojë sa të dojë nga shteti; konçesioni nuk ka një vlerë tavan. Janë harxhuar 23.8 milione euro për një kontratë që nuk ka të përcaktuar çmimin. A ka prokuror që nuk e kupton vjedhjen që po bëhet me inceneratorët? Pyes SPAK: Kur do të dilni përpara shqiptarëve të informoni se çfarë po bëni me dosjet e inceneratorëve?”, tha Basha.