Basha: Rama, i vetmi kryeministër në botë që vjedh ditën me diell paratë e shqiptarëve

Kryetari i PD, Lulzim Basha e akuzoi kryeministrin Edi Rama se nuk po merr masat e nevojshme për të përballuar pandeminë dhe krizën ekonomike. Edhe këtë të enjte, ai doli në një konferencë për gazetarët, për të përsëritur edhe një herë kërkesën e tij ndaj qeverisë që të zbatojë planin e tij me 5 pika.

“Që kjo qeveri dhe ky kryeministër gënjen, nuk themi asnjë lajm të ri. Që këta kanë gënjyer për gjashtë muaj për pandeminë, as kjo nuk është gjë e re. 16 ditë kanë kaluar kur nga kjo sallë shpalosëm planin me pesë pika. Atëherë kur shifrat dukeshin ende nën kontroll, kërkuam të merreshin urgjentisht masat që po merrnin vendet e tjera të rajonit. Nuk po shpiknim rrotën, por po merrnim shembuj nga vendet e rajonit. Ju thamë, për hir të fëmijëve shqiptarë, të prindërve dhe të të moshuarve, ndaleni këtë vjedhje tani. Është kriminaliutet të vazhdosh të vjedhësh partë e shqiptarëve me inceneratorë. Fatura për këtë vjedhje do të jetë dyfish më e lartë për atë. Vendet e tjera po ndalin tendera të pastër, investime të pastra publike në këto momente, janë bërë rialokime masive në buxhet. E vetmja qeveri në botë dhe i vetmi kryeministër në botë që vazhdon të vjedhë në ditën me diell paratë e shqiptarëveë, në vend që t’jua çojë të papunëve, mjekëve e infermierëve.”

Lulzim Basha tha se paratë që shkojnë për inceneratorët dhe tenderat abuzivë duhet të shkojnë tek shqiptarët që sot janë në hall. Ai shtoi se nuk është kurrë vonë për t’u penduar.