Kanali 7...

BE miraton përdorimin e ilaçit “Paxlovid” në shtëpi kundër Covid-19

Komisioni Evropian i dha dritën jeshile ilaçit kundër covid-19, të kompanisë Pfizer dhe nga java  e ardhshme do të nisë shpërndarja e pilulave në vendet e Bashkimit Evropian.

 

Agjencia e barnave ka rekomanduar përdorimin e Paxlovid në shtëpi, tek personat që shfaqin rrezik të lartë nëse preken nga sëmundja. Ai do të merret me recetë nga mjeku dhe mund të blihet në farmaci.

 

Paxlovid është ilaçi i parë antiviral që merret nga goja, i cili rekomandohet në be për trajtimin e covid-19, ndërsa agjencia rregullatore po shqyrton vendimin edhe për ilaçin e kompanisë Merck.

 

Në ShBA dhe Britaninë e Madhe prej disa muajsh ka nisur tregtimi i Paxlovid dhe Molnupiravir.