Blushi-Ramës: O buburrec trendi! Pse ke frikë të përballesh me Presidentin?

Përplasjeve në distancë mes kryeministrit Edi Rama dhe presidentit Ilir Meta i është bashkuar edhe zëdhënësi i këtij të fundit, Tedi Blushi.

Përmes një postimi në “Facebook”, Blushi e konsideroi kreun e qeverisë një buburrec trendi, i cili është vite dritë larg me Presidentin.

Ai pyet Ramën se çfarë e frikëson që nuk e pranon ftesën e Metës për përballje në një nga studiot televizive.

“Buburrec Trendi respekto urgjent 5 Qershorin se le nam dhe dënoi në emër të OSBE-së zgjedhjet e Kirgistanit që ishin si të Shijakut dhe Dibrës. Me Presidentin ti je vite dritë larg.  Ishe ti që i fute në Parlament dhe i vendose në krye të Bashkive, kriminelët dhe trafikantët. Këtë e di e gjithë bota! Presidenti të ka ftuar në Përballje!  Po pret studion televizive dhe orën! Pse ke frikë?! Pse mblidhesh si buburrec e fshihesh pas Twitterit?! Je aq frikacak sa trembesh edhe nga protestat e popullit në Kirgistanin e largët! Ora e Përballjes po afron! As në skutat e Twitter-it nuk do fshihesh dot po nuk respektove urgjent Marrëveshjen e 5 Qershorit!”

Blushi i bëri apel Ramës mes të tjerash që të heqë dorë nga mashtrimet dhe të respektojë marrëveshjen e 5 qershorit për reformën zgjedhore.