Kanali 7...

“COVID nuk ekziston, është një mashtrim”/ 33-vjeçari vdes pas infektimit

Një 33-vjeçar që merrej me fitnes humbi jetën pasi u infektua nga koronavirusi. Dmitriy Stuzhuk nuk besonte se virusi Sars-Cov-2 ishte diçka e vërtetë. Ai kishte deklaruar se “COVID nuk ekziston, është një mashtrim”.

 

Por i riu u infektua në një udhëtim në Turqi. Ai u shtrua në një spital në Kiev të Ukrainës dhe gjendja e tij shëndetësore u përkeqësua me shpejtësi. Edhe pse bënte një jetë të shëndetshme dhe të mbushur me aktivitet fizik, 33-vjeçari pati ndërlikime në zemër, të shkaktuara nga virusi. Lajmin e trishtë për ndarjen e tij nga jeta e dha gruaja e tij, me të cilin kishte edhe tre fëmijë.

 

“O Zot, është kaq e tmerrshme të kuptosh që ai nuk është më me ne”, tha ajo në rrjetet sociale.