Kanali 7...

Ndodh në Britani. Dalin vullnetarë të infektohen me Covid-19, për të përshpejtuar gjetjen e vaksinës

Sipas mediave britanike, 90 persona të grupmoshave nga 18 deri në 30 vjec kanë dalë vullnetarë që të infektohen me Covid-19 në mjedise të kontrolluara.

Këta vullnetarë të shëndetshëm kanë marrë përsipër riskun të infektohen me virusin , me shpresën se kjo do të sjellë një përshpejtim në gjetjen e vaksinës kundër COVID-19.

Mediat britanike komunikojnë se provat mbi këta individë do të nisin në fillim të vitit 2021 në ambientet e spitalit “Royal Free Hospital” në Londër.

Ekspertët do të monitorojnë dhe shohin se deri në cfarë mase duhet injektuar tek vullnetarët për të shkaktuar komplikacione, por jo që të jetë serioze dhe pjesëmarrësit do të kompensohen për këtë veprim.