Kanali 7...

Duka: Do jemi pjesë e qeverisë/ Arben Malaj i bashkohet Partisë Agrare

Partia Agrare Ambientaliste ka nisur fushatën elektorale duke prezantuar programin e saj për bujqësinë. Kryetari Agron Duka ka deklaruar se synon jo thjesht që partia agrare të ketë deputet në parlament, por edhe të jetë pjesë e qeverisë që do të dalë nga zgjedhjet e 25 prillit.

AGRON DUKA

KRYETAR I PAA

“Ne pretendojmë të jemi parti parlamentare me fuqi negociuese në parlamentin e ardhshëm shqiptar. Ne do të drejtojmë ministrinë e bujqësisë si mënyrën më efikase për të përmbushur përgjegjësitë tona.”

Ish-ministri i financave Arben Malaj tashmë është pjesë e partisë Agrare dhe ka theksuar prioritetet e kësaj partie.

Partia Agrare Ambientaliste është pjesë e koalicionit opozitar, por ende nuk e ka përcaktuar nëse do të dalë në një listë me PD apo do të garojë e vetme në ndonjë qark të caktuar.