Kanali 7...

Endri Hasa: Lleshaj u ndryshoi vendbanimin prindërve të mi

Partia Demokratike denoncoi se ministri i Brendshëm, Sandër Lleshaj po u ndryshon vendbanimet shqiptarëve pa kërkesën e tyre. Ish-deputeti Endri Hasa deklaroi se mes të tjerëve, edhe prindërve të tij i është ndryshuar adresa. Ai tha se SPAK duhet të reagojë për këtë çështje.

 

“Qytetarët vazhdojnë enden rrugëve, shkojnë në institucione dhe zbulojnë që sipas Gjendjes Civile nuk banojnë më aty ku kanë banuar prej vitesh. Kjo ndodh sepse Sandër Lleshaj i ka ndryshuar shqiptarëve vendbanimin pa kërkesën e tyre! Po mbushet muaji nga depozitimi i kallëzimit penal në SPAK dhe asnjë veprim nuk është ndërmarrë! Askush nuk po hetohet për ndërhyrjen në databazën më të rëndësishme shtetërore. Provat dhe faktet janë aty, mjafton dikush të hetojë dhe të çojë para drejtësisë autorët. Po mbushet muaji dhe asgjë nuk është bërë për të rikthyer adresat në gjendjen e ligjshme! Prindërve të mi i është ndryshuar vendbanimi si qindra mijëra shqiptarëve pa kërkesën dhe dijeninë e tyre! Asgjë s’ka ndryshuar deri sot, adresa e gabuar rezulton ende në çdo shërbim që marrin.”

 

Endri Hasa kërkoi që përgjegjësit të vihen para drejtësisë menjëherë sepse po kryhen ndërhyrje të paligjshme në sistem për të ndryshuar adresën e vendbanimit.