‘Fitorja ndaj Lituanisë, detyrim’/ Tekniku Reja dhe kapiteni Berisha: Është një ndeshje kyçe

Kombëtarja shqiptare mbërriti mesditën e kësaj të marte në Lituani, ku do luajë sfidën e katërt të vlefshme për Ligën e Kombeve. Pas barazimit me Kazakistanin, kuqezinjtë kërkojnë të ndryshojnë fytyrë dhe ti rikthehen rezulatateve pozitive.

Teknku Edi Reja pritet që të bëjë disa ndryshime në formacion. Dilema kryesore e tij eshte zevendesimi I Abrashit me Qazim Laçin ose Endri Çekiçin. Në prag të sfidës trajneri tha se fitorja është një detyrim përballë Lituanisë

EDI REJA

TRAJNERI I SHQIPËRISË.

 

” Performanca e Lituanisë në ndeshjen ndaj Shqipërisë ka qenë shumë e mirë. Kanë ushtruar presing të vazhdueshëm duke i hequr iniciativën ekipin tonë. Do të përpiqemi që të gjejmë pikat më të dobëta të tyre duke ushtruar presionin tonë dhe duke shfrytëzuar anët tona më të forta, për të arritur në objektivin tonë që është fitorja e ndeshjes.”

Kapiteni i skuadrës Etrit Berisha u shpreh optimist se skuadra i ka të gjitha mundësitë që të marri 3 pikë.

ETRIT BERISHA

KAPITEN I SKUADRËS

”Unë mendoj që Lituani luajti shumë mirë në ndeshjen e parë. Taktikisht kanë luajtur shumë mirë dhe na kanë vënë në vështirësi. Ndoshta edhe ne nuk e kemi bërë ndeshjen më të mirë që duhet të bënim. Por tani vlen ndeshja e nesërme, ku ne duhet të jemi jashtëzakonisht të përqëndruar dhe përgatitur. Do të jetë një ndeshje kyçe për rrugëtimin tonë”

Shqipëria ka katër pikë në Grupin C, aq sa kanë edhe kundërshtarët e tjerë: Bjellorusia, Lituania e Kazakistan prandaj fitorja me Lituaninë është me rëndësi.