Plantacion kanabisi me 2000 bimë në magazinë/ Arrestohen tre shqiptarë në Spanjë
Garda Civile spanjolle ka çmontuar një bandë shqiptare të trafikut të drogës duke arrestuar 3 persona. Shqiptarët u kapën …
Një tjetër shtetas iranian ëshë dëbuar sot nga Shqipëria. Drejtoria e Kufirit, më datë 17 tetor ka firmosur të shpallë non-grada Ehsan Bidin.
Dëbimi i tij ishte parashikuar në muajin gusht, pasi dyshohet si i infiltruar i qeverisë së Iranit brenda kampit MEK në Manzë.
MEK reagoi duke thënë se Ehsan Bidi iu dorëzua forcave irakene më 19 prill 2012 dhe ka ardhur në Shqipëri nën kujdesin e regjimit iranian dhe me pasaportë iraniane duke shtuar se, që në vitin 2012 ai nuk ka qenë në asnjë vend me MEK.
Para pak ditësh, Policia e Shtetit arrestoi një 45-vjeçar nga Irani, pasi futej në mënyrë pirate në telefonat e personave të tjerë për të vjedhur të dhëna personale. Edhe ky i fundit ka qënë kundër kampit të MEK.
Kujtojmë se nga Shqipëria janë dëbuar dhe janë shpallur persona ‘Non Grata’ rreth 80 persona të huaj për veprimtari të dyshimta, kryesisht shtetas iranianë.
Më herët, Shqipëria vendosi të shpallë “non grata” edhe dy përfaqësues diplomatikë iranianë. Kurse në dhjetor të vitit 2018, qeveria shqiptare dëboi edhe ambasadorin iranian në Tiranë dhe një diplomat të kësaj ambasade për cënim të sigurisë kombëtare.
Ndërkohë po hetohen edhe persona të tjerë që mund të ketë bashkëpunuar i riu i infiltruar nga Ministria e Inteligjencës Iraniane.
