Kanali 7...

Inter fiton Kupën e Italisë, Juventus mbetet “thatë”

Inter fitoi kupën e Italisë për herë të 8 në histori duke mundur 4 me 2 Juventusin me përmbysje, por edhe me polemika. Një sukses I arritur në shtesë pas një 90 minuteshi të mbyllur me emocione dhe gola 2 me 2. Zikaltrit e nisën ndeshjen shumë mirë duke kaluar në avantazh që në minutën e 7 me anë të Barelles,. Ishte në fakt një pjesë e parë shumë e qetë me vetëm një kërcënim në portën e Interit nga Vlahovic pas një gabimi të Handanovic. Një fraksion loje që nuk të jepte përshtypjen e një dueli të madh e historik në futbollin Italian. Panorame që në fakt u rikthye në pjesën tjetër të ndeshjes me gola, emocion dhe polemika. Juventus përmbys ndeshjen në vetëm pak minuta. Fillimisht pas gjuajtjes së Alex Sandros, Handanovic nuk arrin të ndale topin…Më pas është radha e Vlahovic për të shënuar dhe për të përmbysur shifrat. Në të dy golat gjithsesi protagonist spanjolli Morata. Në të 78 vjen episodi mjaft I kontestuar. Lautaro Martinez rrëzohet mes De Ligt dhe Bonucit. Gjyqtari Valeroi jep 11-metersh pavarësisht protestave dhe nga pika e bardhë barazon rezultatin turku Calhanoglu. Sfida shkon në shtese, atry kun ë minutat e para Inter fiton sërish një penallti pas kontaktit de Ligt-de Vraj. Penalltia realizohet nga Perisic.  Më pas kroati realizon edhe një supergol per te  mbyllur llogarite përfundimisht me këtë finale. Ziklatrit festojnë pas 11 vitesh fitoren e kupës së italisë e po ashtu trofeun e dytë sezon pasi mundën Juventusin edhe në superkupën e italisë. Për bardhezinjte kjo është hera e parë që dalin pa trofe sezonal pas afro 1 dekade,.