Kanali 7...

Karantina po shkatërron jetë/Gazetari amerikan: Kalifornia e Florida me masa të ndryshme, rezultati i njëjtë

Karantina e vendosur si masë kundrejt Covid-19,  po ndikon negativisht duke shkatërruar jetët e qytetarëve. Zërave kritikë ndaj karantinës dhe izolimit total këtë herë i është shtuar edhe ai i gazetarit amerikan dhe drejtuesit të medias BlazeTv në SHBA, Dave Rubin.

Rubin ka sjellë si shembull rezultatet e dy shteteve amerikane, të cilat kanë marrë masa të ndryshme nga njëri-tjetri.

DAVE RUBIN

GAZETAR AMERIKAN

Nëse bllokimet do të funksiononin, a nuk do të shihnim numrin e të infektuarve në rënie? Këtu në Florida, kryesisht gjithçka është e hapur. Disa njerëz po mbajnë maska, disa të tjerë jo. Gjithsecili në thelb po bën atë që mendon se është e drejtë. Nqs karantina do të funksiononte, atëherë numrat në Kaliforni, e cila është thuajse e gjitha e izoluar, do të ishin në rënie, por ato janë njësoj me Floridën pa masa të rrepta. Çështja është që këto gjëra nuk funksionojnë, por po shkatërrojmë jetë. Ne u kemi dhënë një sasi të jashtëzakonshme lirie politikanëve, që duket se janë të lumtur, qe po na e marrin atë.

Një pjesë e madhe e gazetarëve amerikanë, të pyetur në sondazhet e kryera rreth masave izoluese të pandemisë, janë shprehur se shkatërrimi ekonomik po drejtohet nga urdhëresat e bllokimit, jo nga koronavirusi.

Rubin gjithashtu, vlerësoi në mënyrë ironike, se dekretet abuzive të lëshuara nga demokratët po rrisin vetëdijen politike tek personat apolitikë, duke i bërë ata më të ndërgjegjshëm ndaj situatës reale të pandemisë.