Kuvendi tërhiqet për KLGJ e KLP/ Pranon që mandati i anëtarëve të mbarojë në dhjetor 2021

Mandati i anëtarëve të Këshillit të Lartë Gjyqesor dhe Keshillit të Lartë të Prokurorisë do të përfundojë në muajin dhjetor të vitit të ardhshëm.

Parlamenti është tërhequr nga vendimi për zgjedhjen e anëtarëve të rinj në muajin shkurt, duke anuluar edhe shpalljen e vakancave në dy institucionet.

Konflikti mes Parlamentit dhe Këshillave u krijua si pasojë e diferencës së madhë kohore mes momentit kur Parlamenti i zgjodhi anëtarët e Këshillit të Lartë Gjyqësor dhe atij të Prokurorisë, me momentin kur këto institucione nisën punë.

Edhe pse anëtaret e Këshilleve u zgjodhën në shkurt, mbledhjen e parë ato e zhvilluan në dhjetor dhe për këtë arsye KLGJ dhe KLP morën vendim për të caktuar dhjetorin si momentin e fillimit të mandatit.

Ky vendim u respektua nga Parlamenti, i cili anuloi shpalljen e vakancave.