Kanali 7...

“Ky virus nuk është një iluzion”/ Portugalia ashpërson masat anti-Covid nga e enjtja

Nga dita e enjte, Portugalia do të vendosë masa më të ashpra për të mbajtur nën kontroll përhapjen e rasteve me koronavirus. Parashikohen ndëshkime më të rrepta ndaj grumbullimeve dhe institucioneve që shkelin rregullat.

Kryeministri Antonio Costa do të paraqesë gjithashtu një propozim në parlament për të bërë të detyrueshme maskat e fytyrës në ambiente të jashtme, të mbushura me njerëz.

“E di që shumë njerëz janë lodhur nga kufizimet”, tha Costa të mërkurën në një konferencë për shtyp.

“Unë gjithashtu e di që shumë njerëz, veçanërisht të rinjtë, kanë një perceptim të rremë se rreziqet e COVID-19 janë më të ulëta për ta. Por ky perceptim është një iluzion. COVID-19 mbart një rrezik për ju, por gjithashtu mbart një rrezik të madh të transmetimit tek të tjerët. ”