“Maskat, zero vlerë”/ Vasili: Rama ka futur shëndetin e qytetarëve në qorrsokak

Nënkryetari i LSI-së, Petrit Vasili akuzon kryeministrin Edi Rama se ka keqmenaxhuar pandeminë e koronavirusit.

Përmes një postimi në “Facebook”, Vasili shkruan se Kryeministri ka vendosur vendin në qorrsokak, ndërsa shton se duhet që të përgjigjet penalisht për pasojat.

“Rama thjesht nje llafazan i kapur dhe i paafte! Rama u be rreckë me maskat prej rrecke ne menaxhimin e Pandemise! Sot 306 raste te reja me Covid, numri absolutisht me i larte qe nga fillimi i pandemise. Rritja qe nga fillimi i detyrimit te maskave ne date 15 tetor eshte 50.7%. Rritja krahasuar me pikun prej 27 raste ne prill kur u be mbyllja totale eshte 1130%. Maskat absolutisht zero vlere pa masat e tjera. Gjobat idiote vazhdojne. Para’ per pandemine nuk ka, ndersa para’ per te vjedhur incineratoret dhe per koncesione ka. Rama u be rrecke me menaxhimin me copa rrecke dhe ka futur shendetin e qytetareve ne qorrsokak. Kjo eshte pergjegjesi shume e rende penale. SPAK po behet bashkefajtor. Edhe qytetari me i fundit e ka shume te qarte qe Rama eshte thjesht nje llafazan i paafte.”