“Mbaje mirë, jo për modë”/ Balla del në rrugë dhe u vendos maska qytetarëve (VIDEO)

Teksa rastet e reja me koronavirus po shtohen çdo ditë, Sekretari i Përgjithshëm i PS, Taulant Balla doli vetë në rrugë për të vëzhguar qytetarët nëse mbajnë maska apo jo.

Balla shoqërohej nga një grup personash, të cilët kishin maska për të shpërndarë për qytetarët që nuk i binden rregullit.

Socialisti i këshilloi ata që të mbajnë maskën dhe të bëjnë kujdes sepse rastet e reja po rriten. Në disa momente, ai u afrua vetë për t’u vënë maskën qytetarëve.

“Jo vetëm ekipet e Task Forcës, por të gjithë mund të kontribojmë me këshillimet për mbajtjen e maskës kudo, për të rritur ndërgjegjësimin për rëndësinë e veprimeve individuale për të mirën e përbashkët. Isha në Librazhd dhe në zona të mbipopulluara sikurse janë tregjet, do të insistojmë në respektimin e plotë të masave antiCOVID, për të mbrojtur shëndetin e qytetarëve”, shkroi Taulant Balla në “Facebook”.