Kanali 7...

Mediu mobilizon strukturat e partisë: PR e ka të garantuar suksesin në Tiranë

Kryetari i Partisë Republikane, Fatmir Mediu mblodhi në një takim strukturat e njësisë administrative numër 1 në Tiranë. Ai u shpreh i sigurt se gjatë zgjedhjeve të prillit, PR do të korrë sukses, veçanërisht në qarkun e Tiranës.

 

“Gjallërimi I strukturave të Partisë Republikane në këtë njësi me antëarë të rinj, në përbërje dhe moshë, tregon qartë që Partia Republikane e ka të garantuar suksesin e saj në qarkun e Tiranës.”

 

Mediu deklaroi se pjesë e opozitës duhet të jenë edhe të rinjtë që kanë mbaruar studimet në Shqipëri apo jashtë saj, si edhe profesorët e tyre. Sipas tij, përgjegjësia kryesore e të djathtës është që të largojë kryeministrin Edi Rama nga pushteti.

 

“Sot e djathta ka një përgjegjësi të madhe, jo thjesht për të larguar regjimin e korruptuar të Rilindjes së Edi Ramës, por për ta kthyer Shqipërinë drejt rrugës europiane dhe të garantojë mundësinë e antarësimit në BE gjatë mandatit të saj qeverisës mbas 25 prillit.”

 

Fatmir Mediu garantoi se me ngjitjen e opozitës në pushtet, do të ketë një zhvillim ekonomik më të qëndrueshëm, do të ketë më shumë të punësuar dhe do të ndalohet largimi masiv i shqiptarëve.