Mediu: Shqiptarët të bashkohen kundër regjimit të Edi Ramës

Kryetari i Partisë Republikane, Fatmir Mediu apeloi shqiptarët që të bashkohen të gjithë kundër regjimit të Edi Ramës. Gjatë një mbledhjeje me drejtuesit e degëve, Mediu tha se është koha për të ndërtuar një shtet kushtetues.

“Shqiptarët duhet të bashkohen kundër regjimit të korruptuar të Edi Ramës me një platformë politike dhe qeverisëse e cila vendos në plan të parë interesin kombëtar, Shqipërinë dhe që garanton një Shqipëri anëtare të BE brenda mandatit të parë qeverisës, garanton zhvillim ekonomik, siguri, një shëndetësi bashkëkohore dhe sistem arsimor Europian.  Opozita bashkë me shqiptarë të rinj dhe të reja, me njerëz të talentuar që kanë studiuar në universitetet më të mira në Amerikë, Europë, punojnë në institucione të rëndësishme financiare, ekonomike dhe të shëndetësisë, të bashkohen në qeverisjen e opozitës së djathtë për të ndërtuar një shtet kushtetues dhe në shërbim të lirive dhe të të drejtave të shqiptarëve.”

Gjatë mbledhjes, Mediu kërkoi përfundimin sa më parë të përzgjedhjes së 140 kandidaturave që do konkurojnë në emër të Partisë Republikane