Kanali 7...

Meta vlerëson dorëheqjen e Presidentit të Kirgistanit: Autorët e krimeve zgjedhore të vihen para përgjegjësisë

Presidenti Ilir Meta ka përshëndetur këtë të enjte dorëheqjen e Presidentit të Kirgistanit, vendim që erdhi pas zhvillimit të protestave masive kundër rezultatit të zgjedhjeve të manipuluara.

Përmes një postimi në “Facebook”, kreu i shtetit shkruan se populli i Kirgistanit, të cilin e cilësoi trim, tregoi mbarë botës demokratike si rrëzohen regjimet që bazohen mbi shtypjen.

“Përshëndes dorëheqjen e Presidentit të Kirgistanit pas manipulimit të zgjedhjeve të fundit, që nuk u pranuan nga populli i revoltuar me shumë të drejtë. Populli trim i Kirgistanit i tregoi mbarë botës demokratike si rrëzohen regjimet që bazohen mbi shtypjen, manipulimin, oligarkinë dhe poshtërimin e qytetarëve. Autorët e krimeve zgjedhore dhe dhunës kriminale të vihen para përgjegjësisë!”