“Mos më fol për libra, kam lexuar 3-fish më shumë”/ Përplasje në Kuvend, ndërhyn Garda

Deputeti i opozitës parlamentare, Ralf Gjoni pati një përplasje këtë të enjte me nënkryetaren e Kyvendit, Vasilika Hysi.

Teksa po debatonin lidhur me ndryshimet në ligjin për Institutin e Studimeve për Krimet dhe Pasojat e Komunizmit në Shqipëri, Gjoni iu drejtua duke i thënë se nuk i tregonte dot çfarë të fliste dhe se historia nuk ndryshohet me një fjalë në projektligj.

“Zonja Hysi s’ke tagër të më flasësh mua për libra historie, se kam lexuar 3 fish më shumë se ti. Ju lutem mos përdhosni historinë e dini shumë mirë që jemi duke aplikuar një procedurë të papranueshme në Kuvend. Pse me një paragraf parashtrim mund të ndryshohet historia. Me ç’baza po vendosni sot për ndryshimin e historisë. E dini shumë mirë që historia nuk ndryshohet me një paragraf. Po ata njerëz që ju i keni vrarë  e dergjur nëpër burgje. Ju me një parashtrim ndërroni historinë. Historia nuk është pronë e asnjë partie dhe individi është pronë e popullit shqiptar. Minimumi duhet ta tërhiqni këtë projektligj për të zbardhur historinë e Shqipërisë dhe të popullit. Po shkoni në shtypje pas shtypse dhe se kuptoni çpo bëni”, tha Gjoni.

Më pas, deputeti opozitar Gjoni u kap me zv.kryeministrin Erion Braçe dhe u ngrit nga vendi për t’u përballur me të, por u ndalua nga garda.