Kanali 7...

Murrizi krijon parti të re: Do të garojmë me lista 100% të hapura

Lëvizja Demokratike Shqiptare do të jetë partia e re politike në Shqipëri. LDSH u krijua me nismën e katër deputetëve Myslim Murrizi, Alban Zeneli, Halit Valteri, Arlind Çaçani, të cilët u mbështetën edhe nga 4.602 qytetarë që firmosën. Partia e re është regjistruar zyrtarish në Gjykatën e Tiranës. Lëvizja Demokratike Shqiptare garanton se në zgjedhjet e 25 prillit do të garojë me lista 100% të hapura.

 

“Nga vota e qytetarëve do të marrë mandat AI ose AJO kandidat që merr një votë më shumë se kolegët e tjerë në listë.”

 

Betejën politike LDSH do ta kryejë me politikanët që luftojnë prej 30 vjetësh dhe tallen me shqiptarët.

 

“Në Shqipëri kurrë nuk ka patur ndarje në Pozitë dhe Opozitë. Por ndarja ka qenë në: PUSHTET dhe DEPOZITË. Pra tufat e hajdutëve dhe mashtrueseve kanë këmbyer karriget me njëri-tjetrin pas 8 vitesh.”

 

Sipas Lëvizjes Demokratike Shqiptare, në 25 prill shqiptarët do të provojnë se nuk i mbajnë dot më mbi shpinë këta politikanë.