Ndarja nga jeta e shkrimtarit Faslli Haliti/ Meta: Shembull i qytetarisë e luftëtar i palodhur

Presidenti Ilir Meta ka shprehur ngushëllime për ndarjen nga jeta të shkrimtarit Haslli Haliti.

Në një mesazh të shpërndarë në “Facebook”, kreu i shtetit shkruan se Haliti ishte shembull qyetetarie dhe një luftëtar i paloidhur.

Ai tregon se e ka njohur nga afër në kohën kur ishte deputet i Partisë Socialiste, duke shtuar se i ruan me nostalgji kujtimet për periudhën kur bashkëpunuan në politikë.

“Pikëllues lajmi për ndarjen nga jeta të shkrimtarit e poetit tonë të mirënjohur, Faslli Haliti, intelektualit të angazhuar me vlera kombëtare, shembull i qytetarisë e luftëtar i palodhur dhe i pakompromis i fjalës e mendimit të lirë, duke provuar deri dënime për mbrojtjen e saj. Kam patur fatin ta njoh nga afër edhe si ish-deputet i PS, dhe i ruaj me nostalgji kujtimet për periudhën kur bashkëpunuam në politikë si pjesë e ish-grupit parlamentar socialist, ku padyshim Faslliu spikaste me individualitetin e tij mes deputetëve të PS që vinin vetëm nga radhët e intelektualëve e profesorëve. Të paharruara kanë mbetur për mua vargjet e një prej poezive të tij më të arrira “Për mirë”:

“Gati

Për rënie,

Për shembje,

Rrëzim.

Monument shtrembës!

Shembu, rrëzohu më mirë!”