Nga sot ndalohet qarkullimi tek ish-sheshi “Shqiponja”

Nga kjo e shtunë ndalohet qarkullimi i automjeteve tek ish-sheshi Shqiponja. Shkak për këtë janë bërë punimet për ndërtimin e Unazës së Madhe në Astir  Ne një konferencë të përbashkët Autoriteti Rrugor, Policia e Shtetit dhe ajo Bashkiake kane bere te ditur se lëvizja do të jetë e mundur vetëm për mjetet e emergjencës.

ERGYS VERDHO

KREU I AUTORITET RRUGOR SHQIPTAR

”Nga sot drejtimi i segmentit  Dritan Hoxha tek rruga 29 Nëntori nuk do të kemi më lëvizje, sipas rrethrrotullimit, por do të kemi një devijimi te vogël tek Ajo që të gjithë e njohin si Raiffasen Bank. Është bërë mbushja në aksin kryesor të fundit të rrugës për të mundësuar këtë kalim të lehtë në drejtim të 29 Nëntori pra dalja për në Durrës. E njëjta gjë do jetë dhe për ata që qarkullojnë nga Durrës në drejtim të Tiranës, po prapë e njëjta skemë qarkullimi  deri tek sheshi ”Shqiponja” duke marre drejtimin në të djathtë tek “Pallati me Shigjeta”.

Për të përballuar situatën autoritetet u kanë bërë thirrje drejtuesve të mjeteve që të përdorin rrugët e tjera për të mbërritur në kryeqytet.

Lutemi drejtuesve që vijnë nga Jugu i vendit të zgjedhin për kalim aksin Tiranë-Elbasan, kurse ata që vijnë nga Kavaja të përdorin aksin nga Ndroqi.

Bllokimi i lëvizjes në zonën e ish-sheshit shqiponja pritet të zgjasë për afro 4 muaj kohë në të cilën pritet të përfundojnë edhe punimet.