Ngjarja në Himarë/ Berisha nxjerr emrin e pronarit të skafit

Kryetari i Partisë Demokratike, Sali Berisha pasi mori pjesë në protestën e djeshme për tragjedinë ku Jonada Avdia u vra nga një gomone e drejtuar nga komisari Arjan Tase, ka dalë në një konferencë për mediat.

Ai ka zbuluar fakte rreth ngjarjes së rëndë të ndodhur në plazhin e Potamit, duke akuzuar edhe ministrin e Brendshëm, Bledi Çuçi se është anëtar i një shoqate detare ku bëjnë pjesë edhe trafikantë droge.

Në fjalën e tij, Berisha ka zbuluar edhe emrin e pronarit të skafit që përplasi 7 vjeçaren. Sipas tij, ai është Adhurim Kushi.

“Falënderoj të gjithë qytetarët që vetorganizuan një proteste qytetare të madhe, për një çështje thellësisht tronditëse për shoqërinë shqiptare dhe për çdo vend, po të kishte ndodhur. Të dhënat që dalin rreth këtij problem, gjithçka flasin për një krim të mirëfilltë shtetëror.

Skafi ishte me të gjitha ligjet i ndaluar të përdorej aty ku u ndodh. Skafisti ishte i palicencuar për përdorimin e skafit. Pronar i skafit është Adhurim Kushit, një nga çunat e Taulant Ballës në Londër, pra e kuptoni vetë origjinën e skafit. Adhurim Kushi punon akoma në Britani dhe blen skaf. Arjan Tase u rikthye në punë dhe është me origjinë nga Përmeti.

U rikthyer në detyrë nga dy ministrat, nga Bledi Veltari dhe ministrja Kumbaro. Arjan Tase nuk plotësonte asnjë kusht për rikthimin e tij në detyrë përveç lidhjeve të forta që kishte me të dy ministrat. Të dhëna të tjera janë shumë tronditëse, ministri i Brendshëm, apo ministri i familjes siç e quajnë rëndon rezulton të jetë anëtari i një shoqate të mbushur me trafikantë dhe kontrabandistë për të cilën mediat kanë nxjerrë emrat dhe dhënë faktet”, tha Berisha.