Kanali 7...

OKB: 10 mijë viktima në Ukrainë, të vrarët janë shumica civilë

Organizata e Kombeve të Bashkuara deklaron se më shumë se 10,000 civilë, duke përfshirë edhe qindra fëmijë, janë vrarë ose plagosur deri më tani nga lufta në Ukrainë. Zyra e Kombeve të Bashkuara të Komisionerit për të Drejtat e Njeriut tha se rreth 4,509 njerëz janë vrarë dhe 5,585 janë plagosur deri më 16 qershor.

Gjithashtu 297 fëmijë kanë humbur jetën.

“Shumica e viktimave civile të regjistruara u shkaktuan nga përdorimi i armëve shpërthyese ne një zonë të gjerë duke përfshirë bombardimet nga artileria e rëndë dhe sistemet e raketave”, – thuhet në raport.

Zyra e Kombeve të Bashkuara ka theksuar që kjo shifër nuk është fikse, pasi numri i vdekjeve mund të jetë edhe më i lartë sepse në zonat e pushtuara marrja e informacionit është e vështirë.

Më tej sipas raportit, rreth 6.5 milionë refugjatë janë zhvendosur nga lufta, shumica gra, fëmijë dhe të moshuar.