Papa: Homoseksualët janë fëmijë të Zotit, kanë të drejtën të krijojnë një familje

Për çiftet homoseksuale ne duhet të “krijojmë një ligj mbi bashkimet civile, unë jam pro”. Këto janë fjalët e Papa Françeskut në një dokumentar të bërë nga kandidati kineast rus për një Oskar, Evgeny Afineevsky, i sapo prezantuar në Festivalin e Filmit në Romë.

“Njerëzit homoseksualë kanë të drejtë për të ndërtuar familje. Ata janë fëmijë të Zotit dhe kanë të drejtë për një familje. Askujt nuk duhet t’i mohohet kjo mundësi. Ajo që ne duhet të krijojmë, është një ligj mbi bashkimet civile”, tha Papa.

Ai befasoi botën në korrik të vitit 2013, teksa tha: “Kush jam unë për të gjykuar një homoseksual?”

Dokumentari, i cili do të shfaqet premierë në Amerikën e Veriut të dielën, tregon telefonatën e Papës me një çift homoseksual, Andrea dhe Francesco, në përgjigje të letrës së tyre, ku ata tregonin sikletin e tyre të madh për t’i çuar fëmijët në kishë.