Kanali 7...

Policia nxjerr njoftimin zyrtar/ Pse u arrestua Ismail Morinaj

Ismail (Ballist) Morinaj është vënë në pranga ditën e sotme në pikën kufitare Morinë.

 

Lajmi është bërë I ditur fillimish nga mediat më pas policia ka dhënë informacionin zyrtar.

 

Morinaj është arrestuar gjatë verifikimeve në pikën kufitare pasi rezultonte person në kërkim nga Policia e Durrësit.

Njoftimi i policisë: 

Efektivët e Komisariatit të Policisë Kukës ndaluan shtetasin Ismail Morinaj, 40 vjeç, banues në fshatin Shikaj, Kukës, i shpallur në kërkim për llogari të DVP Durrës.

Ky shtetas u ndalua pasi gjatë verifikimeve ka rezultuar person në kërkim nga Drejtoria Vendore e Policisë Durrës.

Për këtë shtetas, Gjykata e Rrethit Gjyqësor Durrës ka vendosur revokimin e vendimit penal të Gjykatës së Rrethit Gjyqësor Tiranë, për lirimin e tij me kusht dhe ka caktuar vuajtjen e pjesës së mbetur të dënimit, 5 muaj e 12 ditë burgim, për veprën penale “Prodhimi dhe mbajtja pa leje e armëve luftarake dhe municioneve”.

Procedurat e mëtejshme për këtë shtetas do të kryhen nga DVP Durrës.