Humbi kontrollin e mjetit/ Kush është 30-vjeçarja që ra në lumin Osum bashkë me fëmijën (Emri)
Zbardhen të tjera detaje nga aksidenti tragjik i ndodhur këtë mesditë në Berat, ku humbi jetën nëna dhe djali i …
Festivali “Mirëdita, dobar dan!” nuk është mirëpritur në Beograd. Qindra protestues të udhëhequr nga kryetarja e partisë së djathtë serbe “Zavetnici”, kundërshtuan hapjen e festivalit, mbrëmjen e së enjtes.
Sipas demonstruesve, ky aktivitet kulturor promovon urrejtjen ndaj serbëve dhe prezanton idenë e Shqipërisë së Madhe.
“Pa bashkëpunim dhe dialog, Beogradi dhe Prishtina, mbeten në një shakullinë të urrejtjes dhe nacionalizmit,” ky ishte mesazhi që hapi festivalin i cili mbahet që nga viti 2014.
“Mirëdita, dobar dan!” organizohet nga Iniciativa e të rinjve për të drejtat e njeriut dhe do të zgjasë deri më 24 tetor duke i prezantuar publikut skenën kulturore e shoqërore të Kosovës.
Partia Radikale Serbe e konsideron festivalin aksion armiqësor dhe propagandë kundër shtetit.
Këto zhvillime vijnë në një kohë kur bisedimet për normalizimin e marrëdhënieve mes Prishtinës dhe Beogradit, të ndërmjetësuara nga BE, kanë ngecur për shkak të asociacionit të komunave me shumicë serbe. Kosova e konsideron këtë temë të mbyllur që në vitin 2013 por Serbia këmbëngul në të kundërtën.
