Putin falenderon Erdoganin për zhbllokimin e eksporteve të grurit dhe ushqimeve

Presidenti rus Vladimir Putin falënderoi homologun e tij turk Rexhep Tajip Erdogan për rolin e tij në ndërmjetësimin e një marrëveshjeje të fundit për të rifilluar eksportet e grurit nga portet ukrainase të Detit të Zi.

Turqia dhe Kombet e Bashkuara negociuan kohët e fundit një marrëveshje midis Kievit dhe Moskës për të rifilluar eksportet e grurit nga tre porte ukrainase. Eksportet bujqësore ishin ngecur për muaj të tërë pas pushtimit rus të Ukrainës fqinje.

Gjatë rrjedhës së marrëveshjes, OKB-ja dhe Rusia nënshkruan gjithashtu një memorandum të veçantë mirëkuptimi. Sipas OKB-së, ajo planifikon të promovojë eksportin e ushqimit dhe plehrave ruse.

Putin tha se shpresonte të përfundonte një marrëveshje për të forcuar bashkëpunimin ekonomik dhe tregtar me Turqinë.

Pas takimit pritet një njoftim mbi temat e dakorduara, tha transmetuesi shtetëror turk TRT.