Qytetarët nuk i binden urdhërit / Në 24 orët e fundit u gjobitën 644 persona të konstatuar pa maskë

Policia ka vazhduar kontrollet si në ambientet e mbyllura gjithashtu edhe ato të hapura,për rrespektimin e urdhërit të mbajtjes së maskave mbrojtëse.

Gjatë kontrolleve janë ndaluar dhe ndëshkuar me masën administrative me vlerë 3.000 lekë, 523 qytetarë që nuk i kishin vendosur maskat mbrojtëse,ndërsa policia rrugore ka gjobitur 121 pasagjerë që janë konstatuar pa maska në automjete private (pa lidhje familjare me drejtuesin e mjetit) dhe pasagjerë pa maska mbrojtëse në mjetet e transportit publik..

Ka pasur edhe nga ata individ të cilët kanë refuzuar t’i tregonin punonjësve të policisë mjetet e identifikimit për plotësimin e gjobës, të cilët janë shoqëruar në ambientet e Policisë për mosbindje të efektivëve të policisë.

Policia e Shtetit falënderon qytetarët që respektojnë këtë masë mbrojtëse dhe apelon që të gjithë të vendosin maskat mbrojtëse,pasi Policia e Shtetit është në shërbim të qytetarëve, për të mbrojtur jetën dhe shëndetin e tyre, ndaj dhe është i rëndësishëm zbatimi i kësaj mase mbrojtëse sepse parandalon infektimin me COVID-19.