Kanali 7...

Rama i kthehet Metës: Futja e Presidentit në lokale ku vënë baste subjektet e OFL, krim mendor

Kryeministri Edi Rama i është kundërpërgjigjur menjëherë presidentit Ilir Meta, pasi ky i fundit përsëriti thirrjen që autorët e krimeve zgjedhore të vihen para përgjegjësisë.

Përmes një postimi në “Twitter”, kreu i qeverisë tha se krim zgjedhor është edhe përfshirja e Presidentit si palë në zgjedhje.

Ai nuk la pa përmendur edhe prentendimet e tij për përfshirje të Presidentit me “viktimat e OFL-së”. Rama theksoi se futja e Presidentit në lokale ku vënë baste ilegale subjektet e OFL është sipas tij krim mendor.

“Ilir, krim zgjedhor në Republikat Parlamentare është edhe përfshirja e presidentit si palë në zgjedhje me thikë në gojë! Ndërsa futja e Presidentit skutave nëpër lokale ku vënë baste ilegale subjektet e OFL për të propaganduar rrëzimin e qeverisë me revolucion është krim mendor!”