Rama paralajmëron pronarët e lokaleve: Mos e sfidoni shtetin për disa lekë më shumë

NATO i dhuron Shqipërisë 60 respiratorë të rinj për të luftuar COVID-19 në Spitalin Infektiv, atë Shefqet Ndroqi dhe në spitalet e reja COVID 3 dhe 4.

Kreu i qeverisë e konsideroi një ndihmë konkrete që do të fuqizojë sistemin shëndetësor.

Gjatë fjalës së tij, ai iu bëri thirrje sërish qytetarëve që të respektojnë masat anti-Covid dhe të mos e vështirësojnë më këtë luftë, në mënyrë që kriza shëndetësore të mos shndërrohet në një krizë sigurie. Ndërkohë, paralajmëroi edhe pronarët e bareve dhe restoranteve që të respektojnë protokollet, pasi në të kundërt rrezikojnë mbylljen.

“I lutem të gjithë atyre që ushtrojnë aktivitetin e tyre në bare dhe restorante, të mos sfidojnë rrezikun dhe shtetin, të mos vënë në rrezik jetën e tyre dhe të familjeve, por edhe të njerëzve që iu shërbejnë. Nuk është e vështirë për ne të sulim policinë e Shtetit në bare për të vendosur rregull, por a është kjo ajo që duan ata që duan të shfrytëzojnë çdo metër të lokalit, dhe harrojnë që kështu kontribuojnë për mbylljen e lokalit dhe rrezikojnë një goditje të madhe financiare. Patjetër, çdo lekë më shumë është i rëndësishëm për biznesin, aq më shumë në këtë situatë, por përqeshja është katastrofike. Për më tepër është e pabesueshme, që në kohën kur kjo epidemi nuk është në Shqipëri vetëm, se nuk do na kishte besuar njeri”, tha Rama.