“Rama të ka falur plazhin publik për 30 vite”/ Agron Shehaj akuza Xhaçkës

Deputeti i PD, Agron Shehaj hodhi akuza ndaj qeverisë së Ramës dhe ministres për punët e Jashtme dhe Europën, Olta Xhaçka.

Gjatë fjalës së tij në Kuvendi, Shehaj tha se Rama ka favorizuar familjen e Olta Xhaçkës duke e bërë atë investitor strategjik në projektet në plazhet e jugut.

Sipas Shehajt, Xhaçka ka përfituar prona shtetërore për familjen e saj.

“Të bësh interpelancë për vjedhje në këtë qeveri duket absurde. Çdo koncesion një krim, çdo ligj një favor, çdo tender një grabitje. Xhaçka, Rama marrin përfitime për v eten e tyre. Afera për të cilën flasim sot është e paprecedentë. Një qeveri mblidhet dhe merr vendim për favore publike ndaj një politikani.

A e dinte Rama që po i falte plazhin publik për 30 vite ministres së punëve të jashtme. Rama i dha statusi e investitorit strategjik familjes së Xhaçkës përmes bashkëshortit të ministres.

Për të mashtruar ligjin familja ministrore krijon një kompani me emër të ngjashëm, jo në emër të bashkëshortit por në emër të një personi të ngushtë. Pronarja e kësaj kompanie në letra është një shtetase amerikane, 31 vjeç. Kapitali i saj bashkëjetesa me vëllain e Xhaçkës. A mund ta mbaj postin ministrja pas kësaj?”, tha Shehaj.