Kanali 7...

Rritja e frikshme e rasteve/ Greqia vendos orë policore, maskat me detyrim kudo

Në një kohë kur rastet e reja me koronavirus shtohen çdo ditë, Greqia vendosi të marrë masa. Kryeministri grek, Kyriakos Mitsotakis njoftoi se nga e shtuna do të hyjë në fuqi ora policore. Në një dalje publike, ai sqaroi se nga ora 00.30 e mesnatës deri në orën 05.00 të mëngjesit do të ndalohet lëvizja në zonat ku rastet po rriten në mënyrë të rrezikshme.

 

“Vala e dytë është më e ashpër. Tani prek të gjitha moshat, por veçanërisht të rinjtë. Kështu që unë dua të jem i qartë: Muajt ​​e ardhshëm do të jenë të vështirë. Dhe meqenëse një “bllokim” i përgjithshëm nuk është zgjedhja ime, kërkohen masa të tjera. Plani ynë është dinamik. Që do të thotë se përshtatet sipas shpërthimeve të pandemisë. Së pari, në zonat me një rritje të rrezikshme të rasteve, ato të niveleve 3 dhe 4, lëvizja do të ndalohet nga ora 00.30 pas mesnatës deri në orën 5.00 të mëngjesit. Përjashtohen, sigurisht, ata që punojnë natën dhe në raste urgjente. Qëllimi është të zvogëlojmë lëvizjet e mbrëmjes që favorizojnë transmetimin e virusit. Më pak argëtim për pak kohë.”

 

Masa e dytë është që maska do të jetë e detyrueshme kudo, edhe në ambientet e jashtme.

 

“Nëse dy qytetarë e veshin atë siç duhet dhe një është i infektuar, shansi i transmetimit kur janë së bashku është pafundësisht i vogël.”

 

Kyriakos Mitsotakis bëri thirrje për të rinjtë që të tregojnë kujdes të veçantë.