Biden nënshkruan ligjin për kontroll të armëve
Presidenti amerikan Joe Biden, e ka shndërruar në ligj një dokument dypartiak për armët, çka përbën reformën më të madhe …
Presidenti i Francës, Emmanuel Macron, kancelari i Gjermanisë Olaf Scholz dhe kryeministri Italisë Mario Draghi kanë vizituar Kievin, ku u takuan me presidentin Volodymyr Zelenskiy.
Edhe presidenti i Rumanisë, Klaus Iohanis, iu bashkua atyre në kryeqytetin ukrainas.
Udhëheqësit e tre ekonomive më të mëdha të BE-së vizituan fillimisht Irpin, për të parë nga afër shkatërrimet e shkaktuara nga sulmet ruse.
Lideret evropian mbërritën në Ukrainë pas disa orësh udhëtim gjatë natës me tren nga Polonia, për t’i dërguar një tjetër mesazh mbështetjeje Ukrainës, pas kritikave të fundit të presidentit Zelenskiy se Bashkimi Evropian nuk ka reaguar ashpër ndaj agresionit rus.
Vizita e tre udheheqësve vjen përpara samitit në Bruksel, ku ndër të tjera do të diskutohet edhe për dhënien e statusit Ukrainës si vend kandidat për anëtarësimin në union.
Një ditë më parë, gjatë konferencës me kryeministrin Edi Rama dhe kreun e qeverisë malazeze, Dritan Abazoviç, Zelenskiy nënvizoi se anëtarësimi në Bashkimin Evropian , jo vetëm i Ukrainës, por edhe vendeve të tjera kandidate do të garantonte sigurinë në union.
Por udhetimi i tre udheheqësve në ukrainë ka shkaktuar reagimin e moskës. Zëdhënësi i Kremlinit, Dmitry Peskov,deklaroi se ata duhet të shmangin bisedimet për armatosjen e mëtejshme të kievit pasi një gjë e tillë do të nxiste më shumë tensionet.
