Skënderbeu-Partizani luhet mbi dëborë
Sfida e Superiores mes Skënderbeut dhe Partizanit luhet mbi dëbore. Ndeshja ishte në rrezik sepse fusha e stadiumit të Korcës …
Merkato e dimrit sapo ka nisur në futbollin shqiptar dhe skuadrat e kategorisë superiore i kanë gati emrat e rinj. Megjithatë kjo s’mund të thuhet për të gjitha klubet.
Burime pranë Federatës shqiptare të futbollit konfirmojnë për Vizion Plus se bardhebluvë të Tiranës u është bllokuar merkatoja për shkak të një detyrimi të prapambetur prej 200 mijë europsh që ende nuk është shlyer .
Si fillim drejtuesit e klubit bardheblu duhet të shlyejnë pagesën e plotë ndaj lojtarit MOKTAR CISSE dhe pas kësaj të presin përgjigjen për heqjen e bllokimit.
Vendimi është marrë nga organet juridike të FIFA-s dhe aktualisht, kampionët në fuqi e kanë të pamundur të regjistrojnë futbollistë të rinj.
CISSE u bë pjesë e bardhebluve në verën e 2016 ku qëndroi për një sezon dhe shënoi 2 gola
Mbrëmjen e të hënës , Tirana zyrtarizoi futbollistin e Young Boys , Taulant Seferi.
Sulmuesi nga Kumanova do të vinte në formën e huazimit deri në qershor të këtij viti , por pas këtij vendimi , 24 vjecari do duhet të kthehet sërish tek kampionët e Zvicrës.
Ndërkohë ende nuk ka pasur një reagim zyrtar nga 25 herë kampionët e Shqipërisë lidhur me këtë cështje .
