Shpjegohen kufizimet kufitare dhe masat për të udhëtuar në vendet europiane.

Shtetet në Bashkimin Europian kanë rimbyllur kufijtë e tyre edhe një herë për udhëtarët që vijnë nga pikat e nxehta. Situata është delikate dhe Qendra Evropiane për Parandalimin dhe Kontrollin e Sëmundjeve ka publikuar udhëzime për të pasur qasje të koordinuar në të gjithë bllokun.

Për vendet jashtë bllokut, BE ka hapur kufijtë e saj të jashtëm për një grup të zgjedhur, bazuar në shifrat e të infektuarëve me Covid-19.

Që nga 8 gushti, shtetasit e Australisë, Kanadasë, Gjeorgjisë, Japonisë, Zelandës së Re, Ruandës, Koresë së Jugut, Tajlandës, Tunizisë, Uruguajit dhe Kinës mund të hyjnë. SH.B.A., Mali i Zi, Maroku dhe Serbia janë midis vendeve në listën e ndaluar.

Duke pasur parasysh ritmin e ndryshimit, Euronews ka përpiluar një udhëzues të dobishëm për situatën në secilin vend evropian.

Më poshtë do të listojmë disa nga shtetet më kryesore:

Itali

Sipas rregullave në fuqi deri më 13 nëntor, të gjithë udhëtarët që vijnë në Itali duhet të plotësojnë një formular pasagjerësh në faqen e internetit të Ministrisë së Jashtme, e cila gjithashtu ka azhurnime për kufizimet e udhëtimit për Italinë.

Udhëtarëve që vijnë nga vendet anëtare të BE-së dhe zona Shengen nuk u kërkohet të karantinojnë, por duhet të plotësojnë një formular të vetëdeklarimit, me përjashtim të Qytetit të Vatikanit dhe San Marinos, ku nuk zbatohen kufizime.

Ata që vijnë nga Belgjika, Franca, Hollanda, Republika Çeke, Spanja dhe Mbretëria e Bashkuar duhet të paraqesin prova se kanë bërë një test tampon me një rezultat negativ, 72 orë para se të mbërrijnë në Itali ose t’i nënshtrohen një testime në aeroport ose brënda 48 orëve të mbërritjes në një klinikë shëndetësore.

Individët të cilët vijnë nga vendet jashtë BE Për arsye si :studimi, puna, shëndeti ose kthimi në shtëpi duhet të kryenë një periudhë të detyrueshme karantine 14-ditore.

Francë

Udhëtarët nga vendet anëtare të BE-së si dhe Australia, Kanada, Gjeorgjia, Japonia, Zelanda e Re, Ruanda, Serbia, Koreja e Jugut, Tailanda, Tunizia, Mbretëria e Bashkuar dhe Uruguaji ishin lejuar të vizitojnë qarkun pa prova të një testi COVID-19 ose ndonjë formë të karantinës pas mbërritjes.

Sidoqoftë, të gjithë udhëtarët duhet të paraqesin një certifikatë udhëtimi që tregon arsyet e tyre për udhëtim dhe një deklaratë shëndetësore për të thënë se nuk shfaqin shenja të infeksionit COVID-19, të cilat mund të shkarkohen nga faqja e internetit e Ministrisë Franceze të Brendshme .

Gjermani

Gjermania ka shtrënguar masat duke shpallur një numër të konsiderueshëm vendesh brënda Bashkimit Europian si dhe jashtë tij.Një nga këto vende është edhe Shqipëria.Për të hyrë në territorin Gjerman,ju duhet të verifikoni se nuk keni simptoma dhe të keni të verifikuar me një certifikatë shëndetësore se nuk jeni i infektuar me Covid-19.

Greqi

Udhëtarëve nga Bullgaria, Rumania, Hungaria, Polonia, Republika Çeke, Emiratet e Bashkuara Arabe, Malta, Belgjika, Spanja, Rusia, Shqipëria dhe Maqedonia e Veriut do t’u kërkohet të bëjnë testin dhe të rezultojnë negativ me COVID-19, i cili të jetë kryer deri në 72 orë para hyrjes së tyre në Greqi.

Të gjithë udhëtarët që kalojnë kufijtë tokësorë të Greqisë do të paraqesin një dëshmi të një testi negativ të kryer në vendin e nisjes 72 orë para mbërritjes në Greqi.

Turqi

Turqia ka hapur kufirin e saj për udhëtarët e huaj, përveç kufirit tokësor me Iranin. Mbërritjet mund të duhet të kalojnë nëpër kontrolle shëndetësore, përfshirë kontrollet e temperaturës.

Mbretëria e Bashkuar

Personat që mbërrijnë në Angli nga Qipro, Estonia, Finlanda, Gjibraltari, Gjermania, Greqia (përveç Mykonos), Grenlanda, Irlanda, Letonia, Lihtenshtajni, Lituania, Norvegjia dhe Suedia nuk kanë nevojë për karantinë.

Udhëtarët nga vendet e tjera në Evropë – duke përfshirë Francën, Italinë, Spanjën, Hollandën, Belgjikën dhe kështu me radhë – do t’i nënshtrohen një karantine 14-ditore, por kjo mund të kontrollohet në faqen e Ministrisë së Shëndetësisë

Si në vendet e tjera, profesione të caktuara përjashtohen nga këto rregulla, siç janë punonjësit e kujdesit shëndetësor që udhëtojnë për të ofruar kujdes shëndetësor në vend. Pas mbërritjes, ata të cilëve u kërkohet të veçohen duhet të japin detajet e udhëtimit dhe të kontaktit.