Shqiperia, vaksina nga fondacioni i Bill Gates. Pritet miratimi i marreveshjes

Në Kuvend është dorëzuar për ratifikim marrëveshja e nënshkruar mes Qeverisë shqiptare dhe aleancës “Gavi”, themeluar nga fondacioni “Bill dhe Melinda Gates” për porositjen e vaksinës së mundshme anti-Covid.

“Gavi”, ose “Aleanca e Vaksinës” është një partneritet publik-privat, sipas te ciles  ka për objektiv të ndihmojë vendet e varfëra që të kenë akses në vaksinën e mundshme anti-Covid.

Sipas marrëveshjes në fjalë, Shqipëria ka paguar rreth 3.5 milionë dollarë parapagim për porositjen e rreth 1.4 milion vaksinave para datës 9 tetor, ndërsa diferenca tjetër e nëse kosto e vaksinës do të jetë më e lartë do të paguhet në momentin e marrjes së dozave.

Marrëveshja është nënshkruar më 18 shtator mes Qeverisë shqiptare dhe aleancës Gavi. Në të parashikohen detyrimet dhe të drejtat e secilës palë, përfshirë këtu e dhe adresimin në gjykatat ndërkombëtare të arbitrazhit nëse ka mosmarrëveshje.

Sa i takon përfundimit, kontrata përfundon në vitin 2023 në rastet kur nuk ka një vaksinë të prodhuar të miratuar anti-Covid dhe nëse palët bien dakord më herët se ky afat.

Brenda Gavi-t është ngritur mekanizmi i “Angazhimit të Tregut të Avancuar Covax, që fondacioni “Bill dhe Melinda Gates” i kanë vënë si synim mbledhjen e fondeve për subvencionimin dhe blerjen e dozave për 92 ekonomi në zhvillim, ose të varfëra. Gavi synon që brenda vitit 2021 të sigurojë 2 miliardë doza vaksine.

Sipas marreveshjes Sasia që mund të ofrohet nga COVAX Facility për të mbuluar 20% të popullsisë, me dy doza vaksinë.

Ndërkohë që shumë prodhues po punojnë duke bërë investime për të patur një vaksinë finale, miratimi i së cilës do të jetë nga Organizata Botërore e shëndetësisë për tu shpërndarë në vendet që kanë firmosur marrëveshjet me GAVI-n.

Fondacioni i Bill dhe Melinda Gates eshte vene ne shenjester te kritikave te mediave nderkombetare sipas te cilave miliarderi gates nepermjet filantropise synon  shtimin e te ardhurave.