Shtohen të infektuarit në Shqipëri, vdes një 21-vjeçar nga Elbasani

Vazhdojnë të shënohen shifra rekord të të infektuarve në 24 orë në Shqipëri.

Ministria e Shëndetësisë konfirmoi 306 raste të reja, të zbuluara mes 1.412 të testuarve. Këtë të premte humbën jetën katër pacientë.

Një 21 vjeçar nga Elbasani me disa sëmundje bashkëshoqëruese, i cili po trajtohej në terapi intensive i intubuar në spitalin COVID2. Nuk e kanë fituar dot betejën me sëmundjen edhe prof. Elmaz Elezi, mjeku i njohur 85-vjeçar, ish-drejtues i klinikës infektive në QSUT. Nuk ka mundur të mbijetoje në 24 orët e fundit edhe një 49 vjeçar nga Elbasani dhe një 70 vjeçar nga Kurbini me sëmundje shoqëruese.

Gjithashtu, në orët e fundit janë shëruar 71 qytetarë.

Por nga ana tjetër, situata në spitalet COVID është rënduar. Ministria raportoi për 260 pacientë të shtruar, dy më shumë se një ditë më parë.