Kanali 7...

Soros: Bota të mposhtë Putinin, agresioni në Ukrainë mund të jetë nisja e luftës së tretë botërore

Kriza në Ukrainë mund të shënojë fillimin e luftës së tretë botërore. Ky paralajmërim vjen nga miliarderi George Soros, i cili gjatë fjalimit e tij në forumin ekonomik në Davos nënvizoi se bota duhet të “mposhtë” presidentin rus, Vladimir Putin për të ruajtur qytetërimin.

 

GEORGE SOROS

“Pushtimi i Ukrainës mund të jetë fillimi i Luftës së Tretë Botërore dhe qytetërimi ynë mund të mos i mbijetojë asaj. Mënyra më e mirë dhe ndoshta e vetmja për të ruajtur qytetërimin tonë është të mposhtim Putinin sa më shpejt të jetë e mundur. Sa më i dobët paraqitet Putini, aq më i paparashikueshëm bëhet.”

 

Sipas Soros, aktualisht Kina dhe Rusia mbeten kërcënimi më i madh i shoqërisë.

 

GEORGE SOROS

“Regjimet autoritare janë tani në rritje dhe shoqëritë e hapura janë nën kërcënim. Sot Kina dhe Rusia paraqesin kërcënimin më të madh për shoqërinë e hapur. Teknologjia dixhitale, veçanërisht inteligjenca artificiale, e ka ndihmuar Kinën të mbledhë të dhëna personale për mbikëqyrjen dhe kontrollin e qytetarëve të saj në mënyrë më agresive se kurrë më parë.”

 

Soros po ashtu përgëzoi Ukrainën për rezistencën që ka treguar gjatë luftës.