Spiropali për Metën: Ta durojmë edhe pak matrapazin, derisa partia t’i bëhet hi

Ministrja për Marrëdhëniet me Parlamentin, Elisa Spiropali i është drejtuar me një postim në “Facebook”-un e saj presidentit Ilir Meta, pasi ky i fundit, ktheu për rishqyrtim në Kuvend ndryshimet në Kodin Zgjedhor.

Spiropali shkruan se kreu i shtetit nxjerr “tallava-dekrete”, ndërkohë që jep qindra pasaporta në shkelje të ligjit. Po ashtu, ajo paralajmëron se do durohet edhe pak derisa partia e tij LSI, të bëhet hi.

“Big Fish-i i Presidencës jep qindra pasaporta në shkelje të ligjit. Nxjerr tallava-dekrete. Dërgon zuzarë matanë detit për të nxirë Shqipërinë. Sulmon, kërcënon, shantazhon gazetarë. Ta durojmë edhe pak big matrapazin. Derisa mikro partia t’i bëhet hi, por hiri kurrë më parti.”