Twitter censuron “Shtepine e Bardhe”. Fshin postimin e zyrtarit

Rrjeti social Twitter ka censuar sërish publikime që përmbajnë informacione rreth Covid-19. Këtë radhë bëhet fjalë për një status të publikuar në twitter nga këshilltari i Task Forcës në Shtëpinë e Bardhë, Scott Atlas, perms se cilit ai vinte ne dyshim efektivitetin e mbajtjes së maskave kudo.

Këshilltari i TASK Forcës publikoi në rrjetin social informacione për  vendeve të ndryshme ku është vendosur mbajtja e maska me detyrim kudo, por sërish ato kanë treguar rritje të numrit të infektimeve me Covid-19.  

Në postimin e tij Scot Atlas citonte edhe deklaratën e doktorit Carl Heneghan, drejtorit të Qendrës për Mjekësi të Bazuar në Prova në SHBA, i cili i konsideron të pasigurta maskat.

Carl Heneghan: Duket se pavarësisht dy dekadave të gatishmërisë për pandeminë, ekziston një pasiguri e konsiderueshme në lidhje me vlerën e mbajtjes së maskave.

Pas fshirjes së postimit të tij, Atlas reagoi duke e konsideruar këtë veprim si një censurë ndaj shkencës.

 Scott Atlas: Twitter duket se po censuron shkencën nëse shkon kundër qëllimeve të tyre të indoktrinimit publik.

Më tej ai shtoi se postimi i tij ishte keqkuptuar, pasi nuk po argumentonte kundër maskave, por përkundrazi, vinte ne dukje faktin se maskat janë efektive vetëm në situatat kur dikush ndodhet rreth njerëzve me një rrezik të lartë për të marrë Covid-19, ose ku nuk mund të mbahet distanca sociale.

Zëdhënësi i rrjetit social Twitter justifikoi fshirjen e këtij postimi, nën argumentin e shkeljes së politikës për shpërndarje të lajmeve të rreme.