Kanali 7...

Video/ Alarm për bombë në Francë, evakuohet zona pranë “Harkut të Triumfit”

Policia në Paris ka rrethuar zonën rreth monumentit “Harku i Triumfit”, pas një alarmi për bombë.

Zyrtarët thanë se një pako e dyshimtë me eksploziv u gjet pranë Champ de Mars. Po ashtu, stacioni policor në Paris morën një telefonatë anonime këtë pasdite.

Linjat e metrosë dhe rrugët e tjera pranë zonës u evakuuan, ndërsa stacioni i metrosë Charles-de-Gaulle Etoile, u mbyll.

Ka pasur një numër alarme të rreme për bombë në Paris kohët e fundit, duke përfshirë një në stacion hekurudhor të Lyon javën e kaluar dhe një tjetër në Kullën Eiffel.

Ky alarm vjen në mes të një kërcënimi të shtuar pas vrasjes së mësuesit të historisë Samuel Paty në një periferi të Parisit këtë muaj. Ai u vra për shfaqjen e karikaturave të Profetit Muhamed.

Samuel Paty iu pre koka në 16 tetor nga 18-vjeçari Abdullakh Anzorov. “Franca nuk do të heqë dorë nga karikaturat tona”, tha Presidenti Macron në fillim të kësaj jave. Paraqitjet e Profetit Muhamed konsiderohen gjerësisht si tabu në Islam dhe janë fyese për shumë myslimanë.