Vota e emigrantëve/ Rama: Është humbur jashtëzakonisht shumë kohë

Kryeministri Edi Rama deklaroi se emigrantëve duhet t’u ishte dhënë mundësia që të votojnë në zgjedhjet në Shqipëri para shumë kohësh. Duke theksuar se ai kërkon që diçka e tillë të jetë e mundur sa më parë, Rama i ftoi emigrantët dhe çdo të interesuar të bëhen pjesë e PS.

“I takon kryekomisionerit për të bërë vlerësimet dhe të propozojë për votën e emigrantëve. Por në kënvështrimin tim, është humbur jashtëzakonisht shumë kohë. Edhe për identifikimin biometrik që shpresoj të realizohet, por ekspericena e mëparshme ka treguar se duhet kohë. Në këtë platformë, në këtë kanal të hapur, ne mirëpresim të gjithë ata që janë në emigracion, vajza e djem, gra e burra që mendojnë se kanë diçka që mund ta ofrojnë. Objektivi është që ne të kemi në çdo skuadër dikë që të përfaqësojë energjinë, freskinë e dëshirën e atyre që janë në emigracionn. Kjo varet nga shprehja e interesit. Ata që e shohin me mosbesim këtë proces, thjesht të na vënë në provë.”

Edi Rama prezantoi këtë të enjte platformën “Deputeti që duam”, ku qytetarët do të kenë mundësi të vlerësojnë çdo deputet.