Vrasja në Himarë për një borxh 70 mijë euro

Shkak i vrasjes në Himarë, ku viktimë mbeti biznesmeni Niko Goro dyshohet se mund të ketë qenë një konflikt si pasojë e borxheve dhe pronësisë.

Viktima besohet se i kishte rreth 70 mije euro borxh autorit Kliti Leka, pasi ky i fundit kishte instaluar rrjetin elektrik ne një nga pallatet e ndërtuesit.

Por nuk përjashtohet edhe përplasja për një sipërfaqe toke, të cilën autori i krimit ia ka dhënë ndërtuesit, e për të cilën ky i fundit nuk kishte shlyer detyrimet financiare.

E plagosur gjatë këtij atentati mbeti edhe e motra e viktimës, e cila tentoi të mbronte vëllain.

Gjate kontrolleve, agjentët zbuluan dhe sekuestruan edhe armët e krimit: një kallashnikov si dhe një pistoletë.