Vrau dhe murosi shqiptarin në një vilë në Itali, arrestohet 45-vjeçari, pjesë e “Cosa Nostra”

Policia italiane ka arrestuar një nga autorët për vrasjen e shqiptarit Astrit Lamaj, trupi i të cilit u gjet i murosur në një apartament në Senago. Ngjarja horror ka ndodhur në vitin 2013.

Në pranga përfundoi një 45-vjeçar nga Riesi. Ai ishte në “arrest shtëpie”, pasi akuzohet si anëtar i “Cosa Nostras”.

Lamaj u zhduk në janar të 2013 dhe u gjet i vdekur në një apartament në Sengao. Për vrasjen e tij janë arrestuar dhe pesë persona të tjerë në mars të 2019.

Dyshohet se vrasja u porosit nga një grua 62-vjeçare, pronare e një argjendarie, me të cilën shqiptari kishte pasur një lidhje dashurie. Pas ndarjes, e moshuara mendohet se ka dhënë 100 mijë euro për vrasjen dhe më pas murosjen e 45-vjeçarit Lamaj.